أسولف وي صوركم لمن أشتاك

أسولف وي صوركم لمن أشتاك
أسولف وي صوركم لمن أشتاك
وأتخيل وأگول وياي يحجون
وأرد بهمس أحجي أوية ألحياطين
يمته من ألصور كلهم يطلعون
أنة أشتاگيت بس ألشوك وألله
شوك خدود تنطر دمع ألعيون
عشت وألمن أعيش بدنيتي هاي
وآني بگبر فركة نفس مدفون
إعلة درب أذني ولا مريتو فد يوم
وأذني متانية وتسأل بالجفون
محد شافهم محد سمع صوت
بلكي بطيف عاشك صدفة يلفون
إذبلت مثل ألورد بس ألوضع جان
مثل آخر جگارة وبيد مجنون
ألتهيت إبكلشي ناسي أيامكم ذيج
وأگل للناس عيب أنساهم إشلون
كتبت ألكم قصيدة لخاطر ألناس
خاطر بلكي من أحجيهة يبجون
أگلكم جذبت وألجذب مكروه
ألجذب محبوب بس عند أليجذبون
أسولف وي صوركم لمن أشتاك
وأصفن وأنتظر يا لحظة تحجون

دائما نسعد بوجودنا بصفحاتك
موضوع اكثر من رائع
تسلم الايادي
تحياتي لك

شكرا لكم اسعدني مروووركم

» برنامج اليوم سحري يجعل صوركم مثل صور الفنانين تماما ويضع الميكياج ويلون الشعر