كلش بأتصالك واضح الصوت

كلش بأتصالك واضح الصوت
بس مو واضحة كلش نبرتك
فرق كلش چبير أبين الأثنين
حرورة دمعي وبرودة ضحكتك
صوچك علمتني أفتهمك أبساع
تسكت . وأفتهم كلشي بنظرتك
أمسح جفن عينك من الدموع
گبل لا تخنگ بصدرك عبرتك
فهمتك وآنة گلبي يعجبك بهاي
صوتك يوصلة حتى بسكتك
ولا تعتذر عذرك عندي مقبول
خل همسة ترى وهيچ افتهمتك
بعد لازم وراي أرجع للأحلام
أرد أمسح صور بيهن رسمتك
أجيت أبالي مرة وصدگت جاي
بچيت وشبگة مسودن شبگتك
أشبعد عندك حچي وشرايد تگول
تريد تعوفني ووصلتك فكرتك
حبيبي أدلل أدري تريدني أنساك
عفواً . قصدي تدلل حضرتك
مدري شجابني وگلت أتصل بيك
أجة الليل وچنت وحدي وذكرتك
عرفتك من ردت تحچيلي موضوع
حچيته وغلبت حروفك حسرتك
وعرفتك من حچيت بطاري الوداع
عرفتك يمكن أتطول سفرتك
قفلت أحلامي والخط بعده مفتوح
وگلتلي وياي وگلتلك سمعتك
ردت نوصف وكتهة أحساسي وياك
وردت تعرف الحصلته بعشرتك
وبچيت وگتلك أنته تخيل تكون
نص المعركة وتعثر مهرتك
على كل الخلص من عمري ندمان
وعلى كل الوصل منك شكرتك
وأهي حيرة من أودعك أرجع أمنين
وألمن جايك وألمن تركتك
من أرد للشمس هسة بعيني ماشوف
يليلي أنسيتهة بگد ما سهرتك
يالحالفلي بس ما تارك شهود
بس فراشك وحايط غرفتك
أنعم الله عليك گتلي وآنة ممنون
منك ع الوفة الشفته بعشرتك
وبعد ما تفرق أنته تعود لو لا
على كل حال من عدهن خسرتك

منقول

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

شكرا لكم اسعدني مروركم

» كلش باتصالك واضح الصوت
» أسباب وطرق علاج بحة الصوت؟
» برنامج متميز في تسجيل الصوت .
» الديسيبل " وحدة قياس الصوت
» DFX Audio Enhancer 8.352 لتضخيم الصوت وتحسين أداء الإستماع