چنت من ابعيد اشوفك واشتهيك

چنت من ابعيد اشوفك واشتهيك
وسكته چنت اشتغل بس رايد رضاك
وانته چنت اولاابالك ماتحس
وانه گظيت العمر اركض وراك
يل بعت گلبي ولك رخص التراب
وماگلت هذا خطيه منشتراك
گلبي يقره كل بشر يمه يفوت
وللأسف بس انته گلبي الماقراك
وغصبن عليه لبست ابيض حزين
هذا شيبي نعكس بمرايت جفاك
چنت اسامح دوم وانته تعودت
وستغليت التسامح في خطاك
انزعت جرحي الخاطرك رتك تتوب
بس غرورك عن جرح گلبي عماك
خلفت بيه جرح يمطر جروح
لاتدويني فلا ينفع دواك
جايني گلي شئسوي بجيتك
يلي تتغزل چنت بيه بغناك
هذا حدك اوگف ابلايه خجل
ذاك گلبي الحبك ابلهفه نساك

منقول

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

» اشوفك مره خليني