راح الفرح معها ... كلمات ابكتني

راح الفرح معها ...

يا يُما الغربة هدتني وسالت الدمعات

انتظر لحظة ... شوفتك تواسيني



سنين بالغربة عنك كانت المأساة
وما انسى اللقاء والدمعة على جبيني



بس الموت كان القدر رجع النهدات
وصار الحزن يرافقني أبكيه ويبكيني



جيت أصحيكـ يا يما بعد طول سبات
وأنتي ما تجيبين يا رِمش عيني



ناديت الطبيب وحرقت قلبي الآهات
وصار الطبيب على موتك يعزيني



سكتت بوقتها وضاعت الكلمات
وضاع العمر وضاعت أحلامي وسنيني



وصارو بالجنازة يمشون بالخطوات
وأنا واقف مكاني والخطوة ما تجيني



كأني بحلم وماني مصدق الصرخات
وأنتظر واحد من هالحلم يصحيني



وبالقبر حطيتك صحيح اني خسيس اللذات
وأرشك بالطين كيف أكمل باقي سنيني



دفنت بايدي الحنان والحب والرحمات
وقتها تمنيت لو شُلت يساري و يميني



يا يُما دخيلك أرجعي لو لحظات
أقبل ايدك ورجلك وأوهبلك نظر عيني



يا يما بالدمعة برسم وبكتب الكلمات
وصغيرة بحقك وأتمنى تعذريني



عطيتيني كثير وما سمعتك تقولي هات
وأنا اليوم أدفنك بالقبر بيميني



والله يا يما ما توقف بعيوني الدمعات
ويقولون عني كأني غيرت ديني



الآن يا يما ما أبي أعيش بهالحياة
وأكمل حياتي بعدك والله ما فيني