ليتني طفل صغير تلاعبينه

ليتني طفل صغير تلاعبينه
جنبك يعيش اجمل ايامه ويرتع

من غلاته ماتبين تزعلينه
وان زعل جبتيه في صدرك ويقنع

تلمسينه بالكفوف وتحظنينه
وكل ماحس بحنانك قام يطمع

يلعب وباجمل عيون تناظرينه
وكل ماعشتي بقربه سرتي اروع

لاتبعد عنك قمتي تزهمينه
ياحبيبي وين راايح عني ارجع

ولاتوارى عن عيونك تفقدينه
ولاجلس جنبك كأن الكون شعشع

ولامشى تمشين ماسكتن يدينه
ولاشكى قلتيله آمرني وانااسمع

راحتك لاناظرت عينك بعينه
ولاجلس مرتاح في حظنك تربع

المهم انك معه ماتتركينه
وان تركتيه انحرق قلبك تقطع

من يلومه لاجلس وانتي يمينه
من يلومه ياعناااي ليا تدلع

من يلومه لابغاك تقبلينه
من يلومه لالمحك ويمك اسـرع

من يدينك في غلاه ومن يدينه
من يعاتبكم على شي مشرع

ليتني ذاااك الصغير تلاعبينه
انتي ايامي واناالعب فيك وارتع

دائما متميز في
الانتقاء
سلمت على روعه
طرحك
نترقب المزيد من جديدك الرائع
دمت ودام لنا روعه
مواضيعك
ومجهودك المستمر وفقك الله ورعاك