امثال شعبية مغربية

أحبابنا الكرام التراث المغربي غني بالأمثال و الحكم
التي تناسب عدة مواقف اجتماعية
و قد اجتهدت لأنقل لكم بعضا منها :
1- ايلا تكبر عليك شي عيفة قول ما كيتنفخ غير الجيفة .
2- سيدي يحرث بلا سكة و لالا تغزل بلا فلكة و الهم جا لعندهم و تكا .
3- اللي بغا الزين يصبر لثقيب الودنين .
4- هو دق علينا و حنا عرفناه آشنو ناوي و جاوبناه الكبير في الكركاع خاوي .
5- اللي تلقا ايدو في جيبك عمرو ما يكون حبيبك .
6- الفم ما بقات فيه حتى سنة وما بغا يتهنا .
7- حتى شاب عاد دارو ليه الحجاب .
8- ما درنا بلا شواشي عساك ايلا درنا الشواشي .
9- اللحية في البيت و العايلة خرجات تجيب الزيت .
10- حاملة و مرضعة و جارا في يديها ربعة و طالعة لجبل تجيب لحبل .
11- زوجت بنتي تهنيت من صداعها رجعات جارة ربعة في صباعها .
12- جيب جيب حتى نحرثو الزبيب .
13- باع دارو و كرا عند جارو .
14- اللي ما دي منو فايدة و تكلس معاه على مايدة رفاكتو عا زايدة .
15- فلوس اللبن يديهم زعطوط .
16- ثلاثة من علامات الهبال: الغادي السوق بلا مال و الغادي البير بلا حبال و الكالس وسط الجماعة و ما رادش البال .
17- ثلاثة من علامات العذاب : الركاد في الجلاب و الشريب من فم القراب و الزواج ببنت الكلاب .
18- اللي في النصلة يكرض البصلة .
19- الضيف كيسلم و مول الدار كيخمم .
20- مية تخميمة و تخميمة و لا ضربة بمقص .
في انتظار الردود

شكرا لكم على الموضوع جزاكم الله خير

شكرا لك على الزيارة الكريمة
جزاك الله عنا خيرا
الله يعطيك الصحة و العافية
لك مني أخلص التحيات

» امثال شعبية مصرية
» امثال شعبية مصرية مضحكة
» أمثال شعبية مغربية مع شرح لمعانيها
» قالوا زمان، أمثال شعبية مغربية
» قالوا ... زمان ... أمثال شعبية مغربية