طريقة عمل عجينة التوست بالصور

طريقة عمل عجينة التوست

عجينة التوست ما في اسهل منها لكن الشطاره تكون في طريقة العجن .. طريقة اللف .. ومدة العجينه بالفرن والحراره المناسبه .

انا لقيت الطريقه هذي وإن شاءلله تضبط معاكم

المقادير:

3 الى 4 أكواب طحين
1 ونص ملعقه كبيره خميره
1ونص الى كوبين ماء دافيء
2 ملعقه سكر
1 ملعقه صغيره ملح
3 ملاعق زيت
أعشاب أو زعتر حسب الرغبه ( تتم اضافتهم أثناء عملية العجن)

الطريقة:

تخلطين الماء مع الخميرة والسكر والملح

وبعدها تضيفين الطحين وتعجنين .. شوي شوي تضيفين الطحين الى ان تحصلين على عجينه متماسكه

اهم شي انك تاخذين وقت كفايه بالعجن مثل ما هو مبين بالصوره لانك كل ما عجنتي اكثر كل ما صارت العجينه هشه بالأكل .. وطريقة العجن في انك تضغطين العجينه الى جدام كأنك تفردينها وبعدين تلفينها وهكذا

تتركينها ترتاح مدة ساعه الى ساعتين - حسب الجو في مكان وتكونين مغطيتها طبعا

بعدها تفردينها وتلفينها مثل ما هو واضح وتنقلينها للقالب المدهون و تتركينها ترتاح مدة 15 - 20 دقيقه

تمسحين الوجه اما بالماء اذا كنتي تحبين السطح ناشف او الزبده او البيض اذا كنتي تحبين السطح رطب ولين
لكن وانتي تمسحين حطي بالك لا تضغطين حيل على العجينه حتى ما تهبط

وتدخلينها الفرن حراره متوسط الى حار - تقريبا 180 درجة لمدة 20 - 30 دقيقه وبعدها تشعلينها من فوق عشان يتحمر ... تتركينها تبرد تماما وبعدين تقطعينها بالسكين المنشاريه

وبالعافيه

شكرا لكم على الموضوع عيون المها

مشكور على مرورك

يسلموووووو على الوصفة
شكرا لك

كالعادة ابداع رائع

وطرح يستحق المتابعة

شكراً لك

بانتظار
الجديد القادم
دمت بكل خير

شكرا لكى على مرورك الرائع

» طريقة عمل الحلويات بالصور
» بالصور / طريقة تحضير الكسكسي
» طريقة صيد افعى الاناكوندا بالصور
» ورقة عنب طريقة لف ورق العنب بالصور
» عجينة البيتزا الايطالى