محاوره بين حبيبين

محاوره بين حبيبين
هي
محتاره ويه روحي وحيرتي ابصدري
وأموت من القهر .. بس انت ما تدري ..

كلما ارد اكلك .. احسب الف احساب
اخاف اتروح مني ..وينتهي عمري ..

هو /
قلقتيني بكلامچ گولي شنهو الصار
مامرتاح احس .. وكلي صاير نار ..
احچي اشصار .. گولي اشصار

هي / أهلي ..

هو / اشبيهم اهلچ ..
؟
هي /
اهلي مايردوني احبك وآنه احبك
وحايره ابين اهلي وانته ..

واهلي ما يردوني اشوفك
يعني اموت بدونك انته ..

آنه ما اخفي عليك ..
النهار يمرني هم وآنه لعيونك صبرته ..

وليلي .. وليلي لوما الليل چا هسه آني ميته ..

هو

/ يوكتي الردته كله وياي شو صار
اشضل عندك بعد رايد تسويه ..

أنا الگلبي جمر وامكاسر ابنار
وهم شفت الجمر واحد يچويه ..

دور اشماردت يا وكتي تندار
وچفك من اطيح بحنه حنيه ..

ابكثر جروحي منك هسة محتار ..
جرح اللي يجي بيا صفحه اخليه

هي /
حبيبي اشبيك لاتحتار
آنه وياك ابقى وخلي كلشي يصير ..

يمنعوني .. يحرموني .. يبعدوني
اوصلك حمامة .. بتك جنحها اتطير ..

ياأول عشگ والروح هامت بيه
يل منك ابد .. ماشفت كل تقصير ..

بس وياي اريدك ..تبقى ذاك فلان
لا تحسبني شرسه ايخونك التقدير ..

هو /
واهلچ آنه واهلي واصدقائي اشلون
باچر شرد اگلهم لو يسألوني ..

عاندت اهلي كلهم من حچوا وياي
گالوا ولك نار وگلت عوفوني ..

باچر مِيت شامت يوگف اعله الباب
يا عذر الاجيبه .. وبي يصدگوني ..

وانتي اشلون ..؟

هي / آنه اشلون ما ادري ..
حرت واحتارت اظنوني

منقوووووول

شكرا لكم كلمات في غاية الروعه
سرني أن أقرأ ماقدمتم
تسلم الايادي على ما كتبت
في انتظار مشاركاتكم المتميزة

رووووعة يسلمو ايديك على الموضوع الرائع
واصل تميزك في انتظار جديدك القادم
تقبل تحيتي ومروري

الف شكر على مرورك الطيب

» محاوره بين حبيبين 2
» عتاب بين حبيبين