من باعني بعته ولافيه تفكير

لاتلتفت لي وانت قلبك مع الغير
لاتلتفت لي وانت مانت بمعايه

خلك مع اللي صنت له كل تقدير
اللي من اجله بعت باقي غلايه

صحيح يلقى الشر من يفعل الخير
حكمه وفيها صاب راع الروايه

توي تجرحت الندم والتحاسير
لا واحسايف ياعناي وشقايه

عطني دلايل للتجافي وتبرير
والدافع اللي يدفعك في جفايه

مني حشى ماجاك نقص وتقصير
ولا هقيت ان منك هذا جزايه

ولا صار هذي نيتك واصل السير
تلقى وأنا القى من بيجبر عزايه

ما فيه داعي للاسف والمعاذير
واصل جفاك ولاتحاول رضايه

وانا علي لا صخر القلب تصخير
عنك وعندي للإهانه وقايه

من باعني بعته ولا فيه تفكير
وجفوى المقفى للمولع حمايه

وأنا خلصت ومنك شفت التعازير
واللي حصل لي منك فيه الكفايه

ما اروع ما سطر على هذه الصفحه
تسلم ايديك وبارك الله فيك

شكراااااا لك الف شكر

شكرا لك على الموضوع الجميل و المفيذ ♥

جزاك الله الف خير على كل ما تقدمه لهذا المنتدى ♥

ننتظر ابداعاتك الجميلة بفارغ الصبر

بارك الله فيكم
شكرا على المرور الكريم