شعر شعبي عراقي _غزل

احبك شعر شعبي روعة للشاعر عبد الحسين الحلفي

احبك مو لان انت حلو لا

لان روحي التقت كبلي ولك بيك

اذا انت تمر على الاعمى يصيح الله
والاخرس لون حاجيته يحاجيك

اذب كلبي على سهمك وانا مجروح
واكلك دير بالك خاف اذيك

اجرحني ولك بس كون علكيف
لان انت ويدمي وخاف ابديك

اجرحني ولك بس كون ماموت
حتى من يتهمونك ابريك
على المرايا وكفت ماشفت وجهي
شفت وجهك طلعلي وكمت احاجيك

وثبت بمرايتي وجهك مرايات
وتباوع وجهه مرايتي بيك

بكذلتك شد ركبتي وطلع الروح
اريد انهى بعد تتقرب عليك

انت بحضني بس اعتبرك بعيد
اريدن هيج كون انا انخبط بيك
ابياشارع مشيت كبالي الكاك
ادور بغير شارع حافي الكيك

ارد للبيت كبلي الكاك بالباب
اطب كبلي تطب وتكلي اتانيك

تالي الليل اكلهم باجر انساك
افز من غبشة الله واحجي بس بيك

بغيرك فكرت حتى انساك
طلع غيرك يشبهك فكرت بيك

للشاعر عبد الحسين الحلفي

بكل احترام وتقدير اشكـــــرك على مجهــودك
المبذول الرائع والمميز
بانتظـــــار جديدك

الله يعطيك العافيه

على الكلامات
تسلم يدك

لك مني تحياتي

[ندعوك للتسجيل في المنتدى أو التعريف بنفسك لمعاينة هذا الرابط]

» شعر شعبي عراقي شعر خرافي شعر عتاب شعر جميل
» ماحبك جذب صدكني هايم بيك شعر شعبي عراقي
» حبيتك بروحي و ما حجيت وياك شعر عراقي شعبي فد شي رهيب من كلمات حزينه
» غزل عراقي
» شعر غزل عراقي جميل