رمـــضان وفــقير

[ندعوك للتسجيل في المنتدى أو التعريف بنفسك لمعاينة هذه الصورة]

الفــــلم عــنوانه
رمـــضان وفــقير!

لا بدايه ولا نهايه!
ومدته بكد الحياة؟
ومــــــو كــصير!

تلاثه همه المثلوه
بيه غشيم.
وبيه مرائي.
والبطل كلش فقير!!

بالبدايه انطيك واقع
حته ابينلك معانات البطــوله
البطل لابسله ظيم
لايك علـــيه وشحلاته
وجوعه ممدود عله طــــوله
ومقـــتنع بيه وبغـــلاته

الشــرف تفصال هدمه
بجيبه عوز
ودوم مامش
يحمد الله
وحبهه ايده
وكال عايش
ويسحك الباطل بجدمه
جماغه نخوه
وحايج العـــــــفه بعباته
والمرائي من ينشده
اني اجـــزملك يعـــدمه
الخجل كطعله نيطه
يموت من كد مستحاته

المرائي بنشده عاديه
اذا يسأل فقير
شلونك أنته!!
انه كاتبلك جـــــوابه بمفـــردات
وارد اعيش الصوره كلهه
شلون يمشي؟
شلون يحجي ؟
شـلون يبجي ؟
شلون اذا خيم سواد الليل
وفريخاته جوعانه وفلا يكدر يبات

المرائي بنشده عاديه
اذا يسأل فقير
شلونك أنته!!

المرائي يرتجل صورة اله
والغشيم عليه صافن!
ايبـاه و أيبـاه !!؟
اشـكد رحـــــــــيم
ايبــــــــــــاه !!؟
اشكد عظـــــــــيم
وجهه يطلع منه نور
وبي علامات الكريم
ومقتنع صاحبنه هذا
وانه كاتبلك غشيم

يكول هذا يفوت للجنه
اذا ينـــشد فقير
والغــــشيم مطفي
ما يدري شيـصير

وفجأ وبنص الحكايه
سير عليه
شـــــخص رابـــع
طبه خطار بوسط تموز
ويــــدور فـــــيايــه
جان مفتقدينه حول
وجــــان ضـــــايع

فكهه ذرعانه وتلكاه بحنان
وصـاح اهلاً رمــــــــــضان

فكهه بيبانه
وشعــــلهه اهـدومه نار
كون مامــش عدي بيت
ظلوعي اسويهن صرايف
وروحي هسه ابنيهه دار
بغير ما يطــــليله حاجه
خــــــادم أنه
وكتــــله صار

الشعر منقول

موضوع في قمة الروعة
لطالما كانت مواضيعك متميزة
لا عدمنا التميز وروعة الاختيار
دمت لنا ودام تألقك الدائم

كالعادة إبداع رائع وطرح يستحق المتابعة
شكراً لكم
بانتظار الجديد القادم
دمتم بكل خير

[ندعوك للتسجيل في المنتدى أو التعريف بنفسك لمعاينة هذه الصورة]

اسعدت كثيرا بمروركم