اغُمّ الوكت جي خلاّك تنساني

اغُمّ الوكت جي خلاّك تنساني
وتضيّع طريقي وتنسه عنواني
واغمّه شلون من عنك بعدني
وبهجرك صرت مرهون لاحزاني
ويمر بية الوكت واتذكّرك طيف
واتذكر حجينه وكل حرف اني
واذكر من كلتلي انت كل الروح
وغيرك ما احب لا اول وثاني
واذكر لمسة ايدك واشتعل اشواك
واعاني من البعد ياكثر ماعاني
وانت بكل برود تطولّ غياب
وانه بكل امل لاحضانك متاني

وليش حبيتك صدك ورضيت بيك
وليش انت بكل قساوة تعوفني
اني ماشوفن ابد بعيوني غير
وانت عينك غمضت متشوفني
ابد ماتشتاق وللحب ماتحن
وصرت خيط بكل سهولة تروفني

درت وجهك ماكلتلي شلون اعيش
شلون ليلي يخلص بهجرانك
اني ماقاهرني بس بعدك علَي
اني ميّت قهر من نكرانك
تنكر سنين وليالي الحب تهون
والعذاب يفوق كل غفرانك

شغمّك ياوكت مو بيك كل الصوج
بية الصوج من ضميته باحضاني
من شلته وفديته برمش هاي العين
ويغافلني واموت و هو دفاني
واشكرك يا وكت ماقصرت وياي
كسرت الكلب .. حيل الكسر اذاني
واجاني الضيم يتسابق والهموم
اجت تركض وحبيب الروح ماجاني.

منقول

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

شكرا لكم اسعدني مروركم