العمة والجنة

موضوع: العمة والجنة الخميس يوليو 19, 2012 1:20 pm

العمه
يوليدي صحت الداد من مرتك الجسره
تردلي كل حجايه احجيه بعشره
واكولن مااشتكي لابني وقهره
وانت تدري بيهه اشكد نجره وكويه
الجنه
بعد طفح مني القهر وزاد همي
امك سودت عيشتي يبن عمي
بس اوخر من يمه تغمني
بعد انه مااتحمل هايه الاذيه
العمه
مرتك تبقه شرانيه للدوم
مااستبعد تموتني فد يوم
وتحطلي قنبله حدر الهدوم
عله غفله وتفجرهه بيه
الجنه
بله هاي اليسمعه شيكول
اذا هي وياي هيجي عله طول
فوك ماعله راسي تصول تجول
انوب اتريد اتطلعني ارهابيه
العمه
اكله يمه سويلج شغله وتحركي
عله طول مكابله المسلسل التركي
بدل مهند وكريم فد ماعون فركي
واصيح واستريح ماتنتبه ليه
الجنه
والله ماشفت شي من دخل يومي
من وره امك راح اشك هدومي
بس اكعد شويه تكلي كومي
كل شغل البيت ذبته عليه
العمه
كوليلي ياشغل هاذه التسويه
لاتصدكه كله جذب التحجيه
شو كل شي انا لحالي اكضيه
اساله امس مو جبتله الجاي بايديه
الجنه
اكول اليوم طارت نومتي الفجر
اكيد بالجاي امخليتلي سحر
تريد توديني كبله للكبر
كلي هاذ الوضع اشلون تاليه
العمه
لاتصدكه تره بقت نايمه للظهر
ولوما ندهته جان نامت للعصر
منين يوليدي جبتلي هالقهر
جا تصوم تصوم وتفطر عله جريه
الجنه
شوف اشكد اقدره ومافاد بيهه
ومدري شمالهه يوجع حجيهه
كل شي لتريده اركض عليهه
بس هي ماتشوف كل زين بيه
العمه
تره مرتك حياله يا ابني
تسوي نفسه جدامك تحبني
زماني التعس جوه ايديه ذبني
كلبهه اسود وماعده حنيه
الجنه
دشوف اشلون تناكرني النهار كله
ومن وراها صارت عدي ميت عله
واكولن من يجي رجلي واكله
تره انه مرتك انه مو سبيه
العمه
كلي اشفت بيهه يخايب يمدلول
بس احجي وياها تدكلي طبول
وانه اكول شبيك هالفتره مسلول
اكيد من وره هايه الشفيه

الزوج

انه من وراجن يمكن انتحر
التسونه بيه هو ابعينه الكفر
هاذه كله من وره حظي الفكر
اشلون عدجن عالعرك هالقابليه

مو كافي تره والله ذبحتني
مو عيب كدام الجيران فضحتني
اجي تعبان ومن الباب تتلكني
اذا متت مو تكعدن تبجن عليه

منقول

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

هههههههههههههههههههههه
تسلم ايديك على الكلمات الرائعه

شكراًالك

بارك الله بك

ومضان كريم

شكرا لكم اسعدني مروووركم

» رمضان والجنة