تدري وش اللي يجرح القلب

بسم الله الرحمن الرحيم

تدري وش اللي يجرح القلب جرحين
..................ويمد حبـل الحـزن فيـك ويشـده
انك تناظر طفل مـن غيـر ابويـن
.................يمشي ودمعـة سايـل فـوق خـده
منظر صعيب ويقسم القلـب قسميـن
................لا قـام يمسـح دمعـة بكـف يـده
يمشي ولا يدري طريقة علـى ويـن
...............لين التعب من كثـر مـا تـاه هـده
اثقل حـروف يشيلهـا فيـة حرفيـن
...............لا أب يـدريـبـه ولا أم تـــرده
في خطوته رحلـة ودمعـة وسكيـن
................وحـظ توسـد بالمراسـي مـخـده
جيت اسألـة بالله قللـي ولـد ميـن
...............وبغي يجاوب واختنـق صـوت رده
أنـا يتيـم ومـا لدربـي عنـاويـن
...............وجزر الحزن فينـي يسـاوي لمـده
وطعم الطفولة ما عرفته لهـا لحيـن
.............وثوب السعادة صـرت مانيـب قـده
ابكي إلى من شفت غيـري سعيديـن
................ليـن البكـا فينـي يوصـل لحـده
واقفي ورحت امسح دموعي من العين
...............وعيني تناظـر دمعتـه فـوق خـده
وهذا اللي يجـرح القلـب جرحيـن
..............ويمد حبل الحـزن غصـب ويشـده

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

اسعدني مروركم الراااائع

» حروف ملونه من القلب إلى القلب..!؟
» تزَودْ من التقوى فإنكَ لا تدري..
» توقف ايها القلب
» القلب يحب واحد
» خاطره من القلب